श्रीकृष्णको जन्मदिनमा श्वेताले पोखिन् मर्मस्पर्शी शब्द

दिवंगत अभिनेता श्रीकृष्ण श्रेष्ठको अर्थात (पौष १४ गते) जन्मदिन हो । श्रीको जन्म जयन्तीको दिनमा पत्नि अभिनेत्री श्वेता खड्काले सामाजिक सञ्जालमा हृदयस्पर्शी शब्द पोखेकी छिन् । उनले आफ्नो लागी श्रीकृष्ण जीवित रहेको लेखेकी छिन् ।

श्वेताले फेसबुकमा पोस्ट गरेको स्टाटस तथा भिडियो सन्देशमा उनि भावुक रुपमा प्रस्तुत छिन् । जहिँकतै सार्वजनिक कार्यक्रममा पुग्दा पनि श्रीकृष्णको सम्झना गर्दै आएकी श्वेताले मृत्यूको दिन भन्दा जन्मदिन महत्वपुर्ण भन्दै जन्मले हाँसो फुटाउने र मृत्यूले रोदन छुटाउने लेखेकी छिन् । श्रीकृष्णको जन्म आफ्नै लागी भएको र सिउँदो भर्दै आफ्नो भविष्यको रंगिन सपना देखाएको लेख्दै श्वेताले आफ्नो लागी बिर्सनै नसक्ने करोडौ मिठा यादहरु अनि आँट, साहस र हिम्मत श्रीले दिएको लेखेकी छिन् ।

यस्तै भिडियो सन्देशमा भावुक मुद्रामा प्रस्तुत भएकी श्वेताले दिवंगत पति श्रीकृष्णले छाडेर गएका अविस्मरणिय पलहरुले जीन्दगीको अन्तहिन यात्रामा निरन्तर अगाडी बढ्न आफुलाई हौस्याइरहेको बोलेकी छिन् । श्रीकृष्णको हरेक जन्म र हरेक जुनी आफ्नै लागी हुने भन्दै ‘आफुले बोल्ने शब्द अनि हेर्ने हरेक दृश्यमा केबल (पति) श्रीकृष्ण मात्रै हुनुहुन्छ’ श्वेताका शब्दहरु बोल्छन् ।

यस्तो छ पुर्ण स्टाटसः
मृत्युको दिनभन्दा जन्म दिन महत्वपुर्ण हो । जन्म ले हाँसो फुटाउँछ अनि मृत्युले रोदन छुटाउँछ । मलाई त्यही रोदनको पल भन्दा हाँसोको पल प्यारो छ । किनकी आजकै दिन हजुर जन्मनुभएको थियो-मेरै लागी । हजुरले मेरो सिउँदो भर्नु भयो अनि रङ्गिन भविश्यको सपना देखाउनु भयो । म त्यही सपनाको रङ्ग मा रङ्गिएर जिन्दगीको यात्रामा हजुरसँगै समाहित भएँ ।

हामिदुबै छोटो समयकै लागी सही _ -सँगै हिंड्यौ । जिवनको त्यो यात्रामा हजुरले मलाई कैयन खुशिहरु दिनुभयो । बिर्सनै नसक्ने करोडौ मिठा यादहरु अनि आँट, शाहस र हिम्मत दिनुभयो । साँच्चै हजुरल्र दिएका ति अविस्मरणिय पलहरुले जिन्दगीको अन्तहिन यो यात्रामा निरन्तर अगाडी बढ्नको लागी मलाई हौस्याई रहेका छन । भन्नेहरु त भन्ने गर्छन कि तपाइ सदासदाको लागी बिलाउनु भयो भनेर ।

तर मलाई हजुर म बाट बिलाएको भान हुँदैन । हजुर त मेरै मन र मस्तिस्कमा जिवित र सजिव हुनुहुन्छ । मैले बोल्ने हरेक शब्द अनि मैले हेर्ने हरेक द्रुश्य हरुमा केवल हजुर नै हुनुहुन्छ । हजुर हुनुहुन्छ र त म छु । हजुरको हरेक जन्म अनि हरेक जु नी मेरै लागी हुनेछ । आजकै दिन मेरा लागी यो धर्तिमा पाइला टेक्नु भएको तपाईलाई जन्म दिनको यो पावन अवसरमा करोडौ शुभकामना ।

उही हजुरकी कोहिनुर /कान्छि

तश्विरहरुः गुगल