‘शत्रुगते’ रुपै मोहनी रिलिज, स्कृनमा कसको जोडी फिट ?

मह सञ्चारको प्रस्तुतीमा बनेको फिल्म ‘शत्रुगते’को केहि दिन पहिले मात्रै छायाँकन गरिएको गीत ‘रुपै मोहनी’ सार्वजनिक भएको छ । निर्माण टिमले छायाँकनको छोटो अवधिमा फिल्मको गीत बाहिर ल्याएको हो । गीतमा ३ जोडीलाई छुट्टाछुट्टै रुपमा प्रस्तुत गरिएको छ ।

सार्वजनिक गीतको भिडियोमा दिपाश्री निरौलाको अपोजिटमा हरिवंश आचार्य, पल शाहसँग आँचल शर्मा र दिपकराज गिरीसँग प्रियंका कार्कीले जोडी बाँधेका छन् भने सँगसँगै शिवहरी पौड्याल पनि फिचरिङमा छन् । प्रदिप भट्टराईले फिल्म निर्देशन गरेका हुन् उल्लेखित कलाकार नै फिल्ममा लिड अभिनयमा छन् ।

गीतमा स्वर टंक बुढाथोकी र मिना निरौलाको छ संगीत संयोजनको काम टंकले कालिप्रसाद बाँस्कोटासँग मिलेर गरेका छन् । कविराज गहतराजले भिडियो निर्देशन गरेका हुन् । फिल्मको कथा हरिवंशको हो ।