केकीको ‘ठेकीको दहि’लाई १० लाख बढिको नजर !

गत डिसेम्बर १ मा युट्युवमा रिलिज फिल्म ‘हुर्रे’को‘ठेकीमा दही’ बोलको गीत लोकप्रिय बन्दै गइरहेको छ । यस गीतलाई यो समाचार तयार पार्दासम्म युट्युवमा १० लाख बढीले हेरेका छन् । कमेडी शैलीको डान्सीङ नम्बर भएकै कारण गीतलाई रुचाइएको निर्माण पक्षको भनाइ छ ।

गीतमा फिल्मका तीन मुख्य पात्र केकी अधिकारी , राजाराम पौडेल र अंकित खड्का फिचरीङ छन् । गीतमा केकीले राजाराम र अंकितसँग कम्मर मर्काएकी छिन । बौद्ध स्तुपा वरपर खिचिएको गीतलाई बिक्रम स्वारले निर्देशन गरेका हुन् ।

यो गीतमा राजनराज शिवाकोटी र मिलन आमात्यको स्वर छ । राजेन्द्र थापाको शब्दमा राजनराजले नै संगीत भरेका छन् । राजन इशानको एरेञ्ज छ ।

यम थापाको लेखन निर्देशनमा बनेको कमेडी जनराको फिल्मलाई फागुन २५ मा प्रदर्शनमा ल्याउने तयारीमा निर्माण टिम छ । दावा शेर्पा, सोनम लामा, छिरिङ दोर्जेको निर्माणमा बनेको फिल्मलाई चन्दन दत्तले सम्पादन गरेका छन् ।