‘कृ’ पार्टी मुडमा अनमोलको यस्तो अबतार (३ तश्विर)

अनमोल केसी स्टारर फिल्म ‘कृ’को ट्रेलर रिलिजपछि चर्चा ह्वात्तै बढेको छ । यसैपनि प्रतिक्षित बनेको फिल्म ट्रेलर रिलिज पछि बहु प्रतिक्षित बनेकोमा शंका छैन् । यो बीचमा फिल्ममा समावेश पहिलो गीत रिलिज गर्ने निर्णयमा निर्माण टिम पुगेको छ । हालै उक्त गीतमा समावेश अनमोलको लुक्स रिलिज गरियो ।

सार्वजनिक तश्विरमा अनमोललाई बिन्दास अबतारमा भेट्न सकिन्छ । क्लब डान्समा अनमोलले कम्मर मर्काएका छन् । यो गीत यहि डिसेम्बर ३१ तारिख अर्थात ‘न्यू इएर २०१८’ को इभमा रिलिज हुनेछ । फिल्ममा अनमोलको अपोजिटमा अदिती बुढाथोकी छिन् ।

सुरेन्द्र पौडेल निर्देशित फिल्मलाई भुवन केसी र सुवास गिरीले संयुक्त लगानीमा निर्माण गरेका हुन् । फिल्म माघ २६ बाट दर्शकमाझ आउँदैछ । एक्सन लभ स्टोरी जनराको फिल्मलाई लिएर अनमोल फ्यान तथा फिल्म पारखीहरु उत्साहित छन् ।