फरक प्रस्तुतिमा शानको भिडियो, माया साट्दै निराजन र नीता

पछिल्लो समय बनिरहेका म्युजिक भिडियोमा केहि फरक प्रस्तुती जोड्दै निर्देशक शान थापाले नयाँ भिडियो बाहिर ल्याएका छन् । मेलिना राएको स्वर समावेश शानको भिडियोमा मोडल निराजन प्रधान र अभिनेत्री नीता ढुङ्गाना प्रेम भावमा लिप्त छन् ।

‘इन्द्रेणी’ बोलको गीतमा शब्द सुसन माझी ‘दियालो’को छ भने संगीत उत्तमजंग लिम्बुको छ । एरेञ्जको काम फणिन्द्र राइले गरेका छन् । मिक्सिङको काम साजन शाहले गरेका छन् । कोरियोग्राफी राजिव समरको छ ।

अर्जुन तिवारीले खिचेको भिडियोलाई सुप्रिम पराजुलीले सम्पादन गरेका छन् । भिडियोमा नीतालाई परि बनाउँदा निराजन उनको प्रेममा जोडिएका छन् । आकर्षक लोकेशन तथा सोहि प्रकारको निर्देशन र सम्पादन रहेको भिडियो आँखामा बसिरहने प्रकारको छ ।