‘पिंजडा ब्याक अगेन’ आइटम गीतः लिरिकल भिडियो रिलिज

माघ ४ लाई प्रदर्शन मिति तय गरेको फिल्म ‘पिंजडा ब्याक अगेन’को आइटम गीत युट्युव रिलिज गरिएको छ । युट्युवमा गीतको भिडियो अपलोड छैन् । भिडियो सार्वजनिक गर्दा कथावस्तु बाहिर आउने कुरामा सचेत हुँदै निर्माण टिमले लिरिकल भिडियो बाहिर ल्याएको छ ।

‘बल्यो धप धप यो जवानी’ बोलको गीतमा शशी रावलको स्वर छ भने बसन्त सापकोटाले संगीत कम्पोज गरेका छन् । डा. कृष्णहरी बरालले गीतको शब्द लेखेका हुन् । हिमाल केसी निर्देशित फिल्मका प्रस्तुतकर्ता श्रीराम बराल हुन् । सौरभ लामाले फिल्म खिचेका छन् ।

निखिल उप्रेती, सारा शिर्पाली, ज्याक श्रेष्ठ, बिना थापा, सुश्मिता केसी, पुकार भट्टराई, कुशाग्र भट्टराई, भोलाराज सापकोटा लगायत लिड रोलमा रहेको फिल्ममा कोरियोग्राफी रामजी लामिछानेको छ । रोहित पुरी, गोविन्द गैरे, चन्द्र बहादुर क्षेत्री निर्माता रहेको फिल्ममा सह निर्मातामा रमेश सुवेदी र बाबुराजा सिह छन् ।