अनमोलले पाए हिरोइन ‘क्याप्टेन’मा उपासनासँग रोमान्स !
केहि हप्ता पहिले निर्माण दर्ता भएको फिल्म ‘क्याप्टेन’मा अनमोल केसीको अपोजिटमा नव अभिनेत्री उपासना सिंह ठकुरी रहने पक्का पक्की जस्तै भएको छ । चलचित्र विकास वोर्डमा लिड अभिनेत्रिको रुपमा निर्माण ब्यानर दि सुपर काजोल फिल्मस् ले उपासनाको नाम दर्ता गरेको प्रमाण खुलेको हो ।
फ्रेस अनुहारलाई डेब्यू दिने घोषणा गरेको निर्माण टिमले त्यसमा उपयुक्त अनुहार उपासनालाई रोजेको बताइन्छ । यद्धपी निर्माण टिमले भने यो कुरालाई स्विकार गरिसकेको छैन् । दर्ता प्रक्रियाको क्रममा लिड कलाकारको नाम उल्लेख गर्नुपुर्व भएको एक सम्झौतापछि उपासनाको नामसहित ‘क्याप्टेन’को दर्ता प्रक्रिया अघि बढेको थियो ।
तर उनको ‘स्कृन टेस्ट’ तथा अभिनय क्षमताको जाँच नगरिसकिएको भन्दै उपासना नै फाइनल लिडिङ गर्ल भनेर अहिले नै लेख्दा हतार हुने निर्माण टिमको जिकिर छ । त्यसो र उपासनाले अनमोलसँगको एक तश्विर समेत इन्स्ट्राग्राममा सेयर गरेको समेत पाइएको छ । दिवाकर भट्टराइले यो फिल्मलाई निर्देशन गर्दैछन् ।
सामिप्यराज तिमिल्सिनाको लेखन रहेको फिल्मका निर्मातामा अनमोल पिता भुवन केसी छन् । आगामी फागुन अन्तिम साताबाट फ्लोरमा जाने लक्ष्य लिइएको फिल्मलाई अर्को बर्षको तीजमा रिलिजको तार्गेट निर्माण टिमले राखेको छ ।
