अंशबण्डाको विषयमा विपिन र सौगातबीच लफडा, यस्तो छ ‘लालपुर्जा’ ट्रेलर

नेगेटिभ बुद्धको ब्यानरमा निर्माण भएको फिल्म ‘लालपुर्जा’को ट्रेलर सार्वजनिक भएको छ । माघ ४ लाई प्रदर्शन मिति तय गरेको फिल्मको बिहिबार राजधानीमा आयोजित एक कार्यक्रमका बीच ट्रेलर रिलिज गरियो । युट्युवमा हाइलाइट्स नेपालले ट्रेलर अपलोड गरेको छ ।

ट्रेलरमा जग्गा तथा अंशबण्डाको विषयमा मितेरी गाउँका दुइ दाजुभाइबीचको द्वन्द्वलाई जोडिएको छ । फिल्मको मुख्य ‘थिम’ पनि यहि हो । विपिन कार्की र सौगात मल्ल दाजुभाइ बनेका छन् भने विपिनकी पत्निको रुपमा मेनुका प्रधान र सौगातसँग नव अभिनेत्री मिरुना मगरले स्कृन सेयर गरेका छन् ।

निगम श्रेष्ठको निर्देशनमा बनेको फिल्मलाइ बिक्रमसिंह थारु र उमेश श्रेष्ठले मिलेर निर्माण गरेका हुन् । नरेन्द्र मैनालीले फिल्म खिचेका छन् ।