डबिङमा ‘हैरान’, रिलिज कहिले ?

फिल्म ‘हैरान’ को डबिङ सकिएको छ । गायक तथा अभिनेता सत्यराज आचार्यको डबिङ गरेपछी निर्माण टीम अब अन्य प्राविधिक कार्यमा जुटेको छ । विश्कै कान्छा निर्देशक सौगात विष्टको निर्देशनमा तयार भईरहेको फिल्मलाई कमेडी जनरमा तयार पारिएको छ । डेब्यु फिल्म ‘लभ यु बाबा’ मार्फत नै सौगात विश्वका कान्छा निर्देशक घोषित भएका थिए । यिनै सौगात दोस्रो फिल्म लियर आउने तयारी गरिरहेका छन् । अघिल्लो फिल्ममा बाबु छोरी बीचको प्रेमलाई देखाइएको थियो भने यसपटक सामाजिक विषयवस्तुलाई समेटिएको निर्माण पक्षले जनाएको छ ।

‘निकै रमाइलो भयो काम गर्दा । हैरान राम्रो बनाउन हामी पनि हैरान नभएका हैनौ किनकी मैले झन्डै २५ हजारको पान नै खाएछु’ सत्य भन्छन ‘मेरो क्यारेक्टर अनुसार नै पान पनि खाएको हु र डबिङ गर्दा पनि यसलाई ध्यान दिएको छु । मैले गरेका अभिनयमा आफैलाई मन परेको एक क्यारेक्टर हैरानको पनि हो ।’ फिल्ममा सत्यसंगै गजित विष्ट , मोहमद वसिम राजा , निश्मा घिमिरे , सरोज खनाल , बुद्धि तामाङ , पुष्कर रेग्मी , एन्जल राई , आरोही शर्मा लगायतको अभिनय रहेको छ ।

डान्स फेभरको ब्यानरमा निर्मित फिल्ममा मुक्ति घले , सृष्टि घिमिरे , डाक्टर वाई एल लामा निर्माता रहेका छन् भने सम्झना पोखरेल कार्यकारी निर्मात्री रहेकी छिन । फिल्ममा कथा तथा कोरियोग्राफी गम्भीर बिस्ट , द्वन्द चन्द्र पन्त , संगीत सत्यराज आचार्य, स्वरूपराज आचार्य ,किरण कडेल , राजन इशान र सन्तोष श्रेष्ठ रहेका छन् ।

फिल्ममा नवराज उप्रेती र निरज कडेलको छायाँकन , अमित श्रेष्ठको मिक्सिङ र ब्याक ग्राउण्ड स्कोर , अनन्त घिमिरेको कलर र भीएफएक्स प्रितम पाण्डेको सम्पादन रहेको छ । एक बर्ष पहिले छायाँकन सकिएको फिल्मको अहिलेसम्म रिलिज मिति भने तय हुन सकेको छैन् ।