दन्तैमाः कसले दिने प्रमोदलाई चोखो प्यार ? (भिडियो)
म बिना कसै कसैलाई मुस्किल छ पोखरामा….’ । यो गीतका स्वर नायक तथा पछिल्लो समयका चीर परिचित गायक प्रमोद खरेल सर्वाधिक व्यस्त गायकको सुचीमा सधैंजसो आफुलाई अग्र पङ्गतीमा उभ्याउँछन् । देश विदेशमा हुने विभिन्न स्टेज कार्यक्रम सँगसँगै फिल्म तथा गीति एल्बमहरुमा स्वर दिन भ्याइरहेका उनै भेट्रान गायक खरेलको नयाँ गीत ‘दन्तैमा’ सार्वजनिक भएको छ ।
प्रमोदको स्वर रहेको उक्त गीत झट्ट जो कसैको मानसपटलमा बस्ने खालको छ । मंगलबार सार्वजनिक गीतमा शब्द डिपी खनालको छ भने शंकर थापा स्माइलको संगीत संयोजन छ । एरेञ्जको काम उदयराज पौडेलले गरेका छन् । गीतको सार्वजनिक भिडियोमा रोमान्टिम मोडमा प्रमोद पनि कहिँ कतै फिचरिङमा छन् ।
सुनिल क्षेत्रीको ‘नेपाली ठिटोज’ टिमको नृत्य रहेको गीतको भिडियो निर्देशन सुनिलले नै गरेका छन् । युवा पुस्ता लक्षित यो गीत यतिबेला सामाजिक सञ्जालमा चर्चामा छ । अधिकांश गीत संगीत पारखीहरुले आफ्ना सामाजिक सञ्जालका भित्ताहरु यो गीत सेयर गरेर रङ्गाएका छन् ।
