निश्चल र स्वस्तिमाको नाममा बन्यो नेपाली फिल्ममा नयाँ रेकर्ड

गत भदौ अन्तिम साता रिलिज फिल्म ‘दुइ रुपैयाँ’ ले युट्युवमा नयाँ किर्तिमान कायम गरेको छ । यो फिल्ममा समावेश गीत ‘कुटुमा कुटु’ले किर्तिमानी भ्यूज कायम गरेको छ । नेपाली फिल्मको इतिहासमै यो गीतले सर्वाधिक हेरिएको गीतको रेकर्ड कायम गरेको हो । मंगलबार यो गीतले ४ करोड भ्यूज को माइलस्टोन पार गर्यो ।

गत मे २८ तारिखमा युट्युवमा अपलोड गरिएको राजनराज शिवाकोटी संगीतबद्ध यो गीतलाई ७ महिनाको अवधिमा ४ करोड बढि पटक हेरिएको छ । गीतमा निर्देशक तथा अभिनेता निश्चल बस्नेत र अभिनेत्री स्वस्तिमा खड्कासहित आशिफ शाह र बुद्धि तामाङ लगायत फिचरिङमा छन् । उल्लेखित कलाकारहरुको नाममा नै अब एकै कन्टेन्टबाट युट्युवमा सर्वाधिक धेरै पटक हेरिएको भिडियोको रेकर्ड पनि बनेको छ ।

असिम शाह निर्देशित फिल्ममा निश्चल, आशिफ र बुद्धिसँगै मेनुका प्रधान लगायत लिड रोलमा छन् । ‘दुई रुपैयाँ’ फिल्म नेपाली बक्स अफिसमा हिट सुचीमा परिसकेको छ ।