साम्राज्ञी र अदितीः अनमोलको नजरमा को उत्कृष्ट ?
पहिलो पटक युवा स्टार अनमो केसीको अपोजिटमा काम गर्दै नेपाली रजतपटमा डेब्यू गरेकी अभिनेत्री साम्राज्ञी राज्यलक्ष्मी शाह पछिल्लो पुस्ताकी चल्तीकी हिरोइन हुन् । पछिल्लो समयको कुरा गर्ने हो भने पर्दामा आउँदा दर्शकको सबैभन्दा बढि पर्खाइ हुने अभिनेत्रीमा पनि साम्राज्ञी पर्छिन् । त्यसो त यसअघि उनै साम्राज्ञीसँग ‘ड्रिम्स’ रिलिज पश्चात अनमोलको खासै ठुलो निकटता नभएको नरहेको समेत गसिप बाहिरिएको थियो ।
यो बीचमा केहि दिन पहिले आयोजित फिल्म ‘कृ’ को ट्रेलर रिलिज कार्यक्रममा अनमोलको अघि मिडियाकर्मीहरुबाट ‘ड्रिम्स’ गर्ल साम्राज्ञी र ‘कृ’ डेब्यू गर्ल अदिती बुढाथोकी को सँग काम गर्दा सहज भयो र तपाइँको नजरमा को उत्कृष्ट भन्ने आशयको प्रश्न तेर्सियो । जुन कुराको ‘लजिकल’ उत्तर फर्काउँदै अनमोलले भने, ‘दुबै जना हार्ड वर्किङ गर्ल हुन्, कामको समयमा दुबैले सत प्रतिशत दिनसक्छन् ।’
अनमोलले ‘ड्रिम्स’बाट जुन किसिमको काम प्रस्तुत गरेर साम्राज्ञी यतिबेला लाइमलाइटमा छिन्, पछि फर्किनु परेको छैन् त्यसरी नै अदितीले पनि ‘कृ’मा राम्रो भन्दा राम्रो काम गरेकोले पछिल्लो पुस्ताका अभिनेत्रीहरुको भिडमा आफुलाई अग्र पङ्गतीमा उभ्याउन सक्ने आशय व्यक्त गरे ।
त्यसो त अदितीको पहिलो फिल्म रिलिज पहिले नै एक प्रकारको फ्यान फलोइङ क्रियट भइसकेको छ । नेपाली तथा भारतिय मिडियाहरुमा समेत बार बार चर्चा चल्दै आउँदा उनलाई पर्दामा पर्खिनेहरुमा कम आँकलन गर्न नमिल्ला ।
