मरिश्का, सलोन र तरकारिवालीको ‘लम्फू’ रिलीज मिति घोषणा
फिल्म ‘लम्फू’ रिलिज मिति घोषणा भएको छ । अब यो फिल्म २०७५ बैशाख २८ गते रिलीज हुने भएको हो । गोपालचन्द्र लामिछानेको निर्देशन रहेको फिल्ममा कबिर खड्का, सलोन बस्नेत, मरिश्का पोखरेल, चाँदनी शर्मा, सञ्जित भण्डारी, कुशाग्र भट्टराई, तरकारीवालीको नामले चर्चित कुशुम श्रेष्ठ लगायतको अभिनय रहेको छ ।
तरकारीवाली उर्फ कुशुमको ‘लम्फू’मा समावेश अभिनय पर्दाको लागी पहिलो हो । कुशुम गत बर्ष संसारभर तरकारीवालीको नामले चर्चित बनेकी थिइन् । उनका दुई तस्वीर संसारभर करोडौँ पटक शेयर भएका थिए । ‘लम्फू’ले एक युवाको जीवनमा आईपर्ने अकल्पनिय घटनाहरु प्रस्तुत गर्छ, जसमा प्रेमकथा समेत गौण छ ।
‘लम्फू’लाई पपुलर मल्टिमिडियाको लागि शक्तिबल्दब घोरासैनीले बनाएका हुन् । निर्देशक लामिछानेले यसअघि पपुलर मल्टिमिडियाका चार फिल्म निर्देशन गरेका थिए । फिल्ममा भूपतिको लेखन रहेको छ । दिपक बज्राचार्यको छायांकन रहेको ‘लम्फू’मा अर्जुन पोखरेलको संगीत छ ।
‘लम्फू’को डिजिटल तथा अन्तराष्ट्रिय अधिकार हाईलाईट्स नेपालले लिएको छ । नेपालमा भने काठमाण्डौ उपत्यकामा स्टेशन फाईभ र मोफसलमा एफ. डि. कम्पनीले वितरण गर्नेछन् ।
