यो बर्ष सर्वाधिक चर्चामा रहेको तथा प्रतिक्षित बनेको फिल्म ‘कृ’को अफिसियल ट्रेलर रिलिज भएको छ । फिल्म जत्तिकै प्रतिक्षित बनेको ट्रेलर निर्माण टिमले राजधानीमा एक कार्यक्रमको आयोजना गर्दै शुक्रबार रिलिज गर्यो ।

ट्रेलरमा युवा स्टार अनमोल केसी ‘फूलप्याक’ एक्सन अबतारमा प्रस्तुत छन् । लामो समयदेखि मिडियामाझ नदेखिएका अनमोलको पछिल्ला रिलिज सबैजसो फिल्ममा भन्दा विल्कुल नयाँ अबतार ‘कृ’ ट्रेलरमा प्रस्तुत छ । ‘सिक्स प्याक’ लुक्समा उनि कतै दुश्मनहरुसँग जुद्धै भेटिन्छन् त कहिँ अभिनेत्री अदिती बुढाथोकीसँगको प्रेममा ।

अदितीले ट्रेलरबाट नै नेपाली फिल्ममा सम्भावनावान अभिनेत्रीको छनक दिएकी छिन् । सुरेन्द्र पौडेल निर्देशित फिल्ममा अनुपबिक्रम शाहि कामेश्वर चौरासिया,सरोज खनाल, लक्ष्मी गिरी, रुपा राना लगायत लिड रोलमा छन् ।

अनमोलले स्विकारे ५० लाखको अफर

ट्रेलरमा अनुपलाई पनि भिन्न गेटअपमा देखाइएको छ । अनुपबिक्रम यसैपनि खलपात्रमा कहलिएको नाम हो । उनको भुमिका सस्पेन्स राख्न खोजिँदै गर्दा अनमोलको अपोजिटमा उनि र उनको टिम लागेको कुरा ट्रेलरबाट छिपेको छैन् ।

सुवास इन्टरटेन्मेन्ट र ‘दि सुपर काजोल फिल्मस’ को ब्यानरमा फिल्म निर्माण भएको हो । सुवास गिरी र अनमोल पिता भुवन केसी फिल्मका निर्माता हुन् । आउँदो माघ २६ बाट फिल्म दर्शकमाझ आउनेछ ।

तश्विरः श्रीधर पौडेल