विदेशी फ्लेभरका ‘रोमियो एण्ड मुना’ गीत, बिकिनी गर्लसँग विनयको रोमान्स

अभिनेता विनय श्रेष्ठ तथा पुर्व मिस नेपाल समेत रहेकी अभिनेत्री सृष्टि श्रेष्ठ स्टारर फिल्म ‘रोमियो एण्ड मुना’को ‘स्याण्डविच सङ्ग’ रिलिज गरिएको छ । सार्वजनिक गीतमा सृष्टि भने फिचरिङमा छैनन् । अमेरिकामा खिचिएको गीतमा विनय दर्जन बराबर विकिनी गर्लहरुसँग रोमान्समा देखिएका छन् ।

नेपाली र अंग्रेजी शब्द समावेश गीतको भिडियो पछिल्लो समय सार्वजनिक हुँदै आएका नेपाली फिल्मका गीतहरु भन्दा केहि फरक बनाउने कोशिश विनयले गरेका छन् । अमेरिकाका सुन्दर दृश्य समावेश गीतमा विनय हट अबतारमा प्रस्तुत छन् ।

नरेशकुमार केसी निर्देशित फिल्ममा विनय र सृष्टिसँगै प्रज्वल सुजल गिरी लिड अभिनयमा छन् । सार्वजनिक भिडियोको कोरियोग्राफी प्रताप सिंहले गरेका छन् भने भिडियो निर्देशन उज्जल सिंहले गरेका छन् ।