निखिल स्टारर ‘पिंजडा ब्याक अगेन’ ट्रेलर रिलिज
माघ ४ लाई प्रदर्शन मिति तय गरेको फिल्म ‘पिंजडा ब्याक अगेन’को ट्रेलर रिलिज भएको छ । मंगलबार राजधानीमा आयोजित एक कार्यक्रमका बीच फिल्मको ट्रेलर रिलिज गरिएको हो । ट्रेलरमा एक्सन, प्रेम, कमेडी र रोदनलाई जोडिएको छ ।
हिमाल केसीको निर्देशनमा फिल्म तयार भएको हो । हिमाल यसैपनि एक्सन निर्देशनमा कहलिएको नाम हो । त्यसैले पनि ट्रेलरमा एक्सनलाइ बढि फोकस गरिएको छ । पुरा फिल्म निर्देशनमा यो उनको दोश्रो पाइला हो । फिल्ममा निखिल उप्रेती, सारा सिर्पाली, ज्याक श्रेष्ठ, सुष्मिता केसी, पुकार भट्टराइ, भोला सापकोटा, कुशाग्र भट्टराई, विना थापा मुख्य अभिनयमा छन् ।
श्रीराम बरालको प्रस्तुतीमा तयार भएको फिल्ममा रोहित पुरी, चन्द्र बहादुर क्षेत्री, गोविन्द गैरे निर्मातामा छन् भने वसन्त शर्मा र सुशान्त श्रेष्ठ कार्यकारी निर्माता हुन् । मौनता श्रेष्ठको कथामा तयार भएको फिल्मलाई सौरभ लामाले खिचेका हुन् । रामजी लामिछानेले कोरियोग्राफी गरेका छन् ।
राजनराज शिवाकोटी, वसन्त सापकोटा र अर्जुन पोखरेलको संगीत रहेको फिल्ममा समावेश दुई गीत यसअघि नै रिलिज गरिसकिएको छ । दुबै गीतले युट्युवमा १० लाख ‘भ्यूज’ को माइलस्टोन पार गरिसकेका छन् । फिल्ममा बनिष शाह र मिलन श्रेष्ठको सम्पादन छन् । विके फिल्मस् र एफडी कम्पनिले फिल्मलाई वितरणको जिम्मा लिएको छ ।
