सिमोनसँग शुष्माले बाँधिन जोडी, संगीताको स्वरमा कति दम ?

गायिका संगीता रायमाझीको स्वरबद्ध पछिल्लो गीत ‘म त मरिदिन्छु’ सार्वजनिक भएको छ । युट्युव मार्फत गीतको भिडियो पनि बाहिर आएको छ । सार्वजनिक भिडियोमा मोडल शुष्मा कार्कीले सिमोन शिवाकोटीसँग जोडी बाँधेकी छिन् ।

निर्देशक समेत रहेकी गायिका संगीताले पछिल्लो पुस्ताकी संभावनावान मोडल शुष्मालाई भिडियोमा आकर्षक लुक्समा प्रस्तुत गरेकी छन् । गीतको शब्द आर्या राइको हो भने संगीत एरेञ्जको काम बुद्ध सायमीले गरेका छन् । बुद्ध यो भिडियोका छायाँकार पनि हुन् ।

विरेन्द्र भाट विपिन र दिलिप योञ्जनले सम्पादन गरेको भिडियोले पुर्णतः प्रेमभाव बोल्छ । एकल स्वर समावेश गीतमा संगीताले सुमधुर आवाज भरेकी छिन् ।