फ्लोरबाटै बाहिरियो ‘कागजपत्र’, कति जम्यो शिल्पासँग नाजिरको केमेष्ट्री ?
फिल्म ‘कागजपत्र’को फ्लोरबाटै केहि तश्विरहरु बाहिरिएका छन् । यतिबेला छायांकनको क्रममा दाङमा रहँदै गर्दा सुटिङ सेटबाट केहि दृश्यहरु बाहिर आएका हुन् ।
बाहिरिएका केहि दृश्यहरुमा लिड कलाकारहरु नाजिर हुसेन, सिल्पा मास्के, भोलाराज सापकोटा, सरिता गिरी, खिलेन्द्र तिमल्सिना आफ्नो आफ्नो पात्र दृश्यमा चित्रित छन् । फिल्मको यतिबेला ७० प्रतिशत छायाँकन सकिएको बताइएको छ ।
सामजिक प्रेमकथामा बनिरहेको फिल्मलाई अपिल विष्टले निर्देशन गर्दैछन् । फिल्मको कथा पनि विष्ट आफैले लेखेका हुन् । फिल्म ‘कागजपत्र’लाई अष्ट्रेलियन सिनेमाट्रोग्राफर क्यास्मियर डिक्सनले खिच्दैछन् ।
वर्ल्ड वाइड फिल्म्स डिस्ट्रिब्युसन प्रा.लिको प्रस्तुति रहेको ‘कागजपत्र’लाई खिलेन्द्र तिमल्सिना, मुकेश रेग्मी, प्रजापति सिवाकोटी, सुदिप उप्रेती र मनिष खत्रीले संयुक्त रुपमा निर्माण गरेका हुन् भने कार्यकारी निर्माताको रुपमा विशारद बस्नेत रहेका छन् ।
