प्रदिप र प्रियंका स्टारर ‘लिलिबिली’ रिलिज कन्फर्म
प्रदिप खड्का स्टारर फिल्म ‘लिलिबिली’को रिलिज कन्फर्म भएको छ । फिल्म आगामी चैत्र ३० मा रिलिज हुनेछ । निर्माता तथा वितरक समेत रहेका गोविन्द शाहीले समाचारको पुष्टि गरेका छन् । पुर्वनिर्धारित मितिसम्म फिल्म सम्पूर्ण पक्षबाट तयार हुने भएपछी यो मितिलाई लक गरिएको हो ।’ शाहीले बताए ।
पुर्व निर्धारित मितिमा फिल्म नआउने प्रकारका गसिपहरु बाहिर आईरहँदा निर्माण टिमले यो बीचमा फिल्मलाइ अर्को बर्षको बैशाखमा रिलिज गर्ने मनस्थिती बुनेको थियो । अब भने पुर्व निर्धारित मितिमा नै फिल्म रिलिज हुनेछ । फिल्मलाइ यतिबेला यूरोपका विभिन्न स्थानमा छायाँकन गरिँदैछ । विदेश छायाँकन अब ३० प्रतिशत मात्रै बाँकी भएको निर्माण टिमले जानकारी गराएको छ ।
काफिया फिल्मस्, सुदीप खड्का प्रोडक्सन र चाम्स इन्टरटेनमेन्टको व्यानरमा निर्माण भैरहेको फिल्ममा गोविन्दका अलावा सुदिप खड्का र निर्देशक चाम्सको पनि लगानी छ । मिलन चाम्स यो फिल्मका निर्देशक हुन् । फिल्ममा प्रदिपसँगै जसिता गुरुङ, प्रियंका कार्की र अनुपबिक्रम शाही लिड रोलमा छन् ।
