सशस्त्र प्रहरी बने अनुप र शिल्पा
अभिनेता अनुपबिक्रम शाही र अभिनेत्री शिल्पा पोखरेल सशस्त्र प्रहरी बनेका छन् । यी दुईलाई पछिल्लो एक फिल्ममा सशस्त्र प्रहरीको भुमिकामा देख्न सकिन्छ । फिल्म ‘बिराङ्गना’को एक गीतमा दुबैले कमब्याड ड्रेसमा कम्मर मर्काएका छन्, प्राप्त तश्विर यहि बोल्छन् ।
राजबहादुर सानेको निर्देशनमा बनेको फिल्ममा अनुप र शिल्पाले पहिलो पटक स्कृन सेयर गरेका छन् । फिल्मको ‘तिमी पुलिस म नि पुलिस सेमसेम छ ड्युटि’ बोलको गीतको हालै छायांकन सकिएको छ । जहाँ रियल सशस्त्र प्रहरी सहित ३ सय बढि कोरस प्रयोग गरिएको निर्माण टिमले दाबी गरेको छ । सशस्त्र प्रहरी प्रधान कार्यालय हलचोकमा गीत खिचिएको हो ।
गीत खिच्दै फिल्मको सम्पुर्ण छायांकन सकाएको निर्माण टिमले बताएको छ । निर्देशक सानेले पोष्ट प्रोडक्सनको काम समेत सुरु भइसकेको जानकारी दिए । फिल्ममा अनुप र शिल्पासँगै धिरेन शाक्य, पृथ्वीराज प्रसाई ,प्रज्वल गिरी, प्रीया रिजाल, कृष्ण सिवाकोटी, देब तामङ, अमृत सापकोटा, अंशु थापा लगायतको अभिनय छ । बाबुराम दास श्रेष्ठ, श्याम बहादुर थापा र रघु परियार फिल्मका निर्माता हुन् ।
