शितलको १७ बर्षे जोवनमाथी कसको लाग्यो नजर ? (भिडियो)

मंसिर २९ लाई प्रदर्शन मिति तय गरेको फिल्म ‘माई लभ’ को ‘१७ बर्षे जोवन….’ बोलको गीत सार्वजनिक भएको छ । युट्युवमा सार्वजनिक आइटक गीतमा लिड कलाकार गणेश लामा र शितल श्रेष्ठलाई फिचरिङ गरिएको छ ।

गीतमा अर्जुन मुसोङको शब्द र संगीत रहेको छ । मिना सिंहको स्वर रहेको गीतलाई प्रदिप श्रेष्ठले निर्देशन गरेका हुन् । नेपालमा २०७२ साल वैशाख १२ गते गएको महा विनाशकारी भूकम्पको कथा फिल्मले बोल्छ । फिल्म भूकम्पले काठमाडौं उपत्यका र आसपासका क्षेत्रमा गरेको क्षतिसँगै भूकम्पका समयमा सुरक्षाकर्मी र उद्दारकर्मीहरुले खेलेको प्रशंसनीय भूमिकामा आधारित छ ।

जापानी निर्देशक डा.तोसिआकी इतोहले निर्देशन गरेको फिल्ममा गणेश लामा र शितल श्रेष्ठसँगै जापानी अभिनेत्री रिवन मित्सुतानीको मूख्य भूमिका रहेको छ । यस्तै नेपाली कलाकारहरु चैत्यदेवी सिंह, चाँदनी लामा, राजु भुजु, मञ्जु श्रेष्ठ र जापानी कलाकारहरु युइची हायाता, शुतारो मत्सुदा, काजुतोशी थासाका, ताक् मियामोतोको समेतको अभिनय हेर्न पाइनेछ ।

‘माइ लभ’ले आफ्नो देशको महत्वपूर्ण सम्पदास्थलहरुको महत्व दर्शाउदै तिनीहरुको पुनर्निर्माण र संरक्षण गर्नु सबै नेपालीको दायित्व रहेको सन्देश बोकेको निर्माण टिमको दाबी छ । फिल्ममा धरहरा ढल्दै गरेको दृश्यलाई पनि जीवन्त रुपमा देखाइएको छ भने भूकम्पले तहसनहस पारेको काठमाडौंलाई वास्तविक रुपमा प्रस्तुत गरिएको बताइएको छ ।