लभ वर्ड बने विनय र सृष्टि, ‘रोमियो एण्ड मुना’ टिजर ट्रेलर रिलिज

केहि दिन पहिले मात्रै फागुन ११ लाई प्रदर्शन मिति तय गरेको फिल्म ‘रोमियो एण्ड मुना’ले प्रचार प्रसार थालेको छ । समाजिक सञ्जालमा फिल्मको टिजर ट्रेलर रिलिज गरियो । तर १ मिनेट लामो टिजरमा कलाकार फिचरिङमा छैनन्, ‘लभ वर्ड’ बनेर विनय श्रेष्ठ र सृष्टि श्रेष्ठलाई जोडिएको छ ।

प्रेम कथाको फिल्मको टिजरमा निर्देशक नरेश कुमार केसीले केहि नयाँ तरिका अपनाएका छन् । विनय र सृष्टिलाई एक सुन्दर चराको जोडीको रुपमा चित्रित गरिएको छ । विनय र सृष्टिसँगै प्रज्वल सुजल गिरी र सुष्मा कार्की फिल्ममा लिड रोलमा छन् ।

फिल्मलाई प्रशन्न गोपाली, राम शर्मा, कविन शाक्य र विनयले मिलेर बनाएका हुन् ।