यस्तो छ जापानिज कलाकारले कम्मर मर्काएको ‘माइ लभ’ गीत (भिडियो)

यहि मंसिर २९ लाई प्रदर्शन मिति तय गरेको फिल्म ‘माइ लभ’को गीत रिलिज भएको छ । केहि दिन पहिले मात्रै ट्रेलर रिलिज गरेको निर्माण टिमले फिल्ममा समावेश गीत हालै रिलिज गरेको हो । गीतमा नेपाली तथा जापानिज कलाकारहरुको अभिनय भेट्न सकिन्छ ।

नेपाली लोक लय ‘सानु माया’ बोलको गीतमा दिप तुलाधारको संगीत रहेको छ भने रमेश कोइरालाको शब्दमा रामचन्द्र काफ्ले र मिना सिंहले स्वर दिएका छन् । प्रदिप श्रेष्ठले कोरियोग्राफी छ । जापानिज निर्देशक तोसिआकी इतोहले यो फिल्मलाई निर्देशन गरेका हुन् ।

भूकम्पको पीडामा परेको नेपाली परिवेशको कथा बोकेको फिल्मले जापानले गरेको सहयोग र त्यहि बीचमा दुइ पात्रबीच झाङ्गिएको प्रेम प्रसङ्गको कथा फिल्मले बोल्छ । ‘माइ लभ’मा गणेश लामा, शितल श्रेष्ठ, जापानिज कलाकार युइची हायाता, शुतारो मत्सुदा, काजुतोशी थासाका, ताक् मियामोतोको अभिनय रहेको छ ।