साम्राज्ञीको तेश्रो प्रोजेक्ट ‘तिमी सँग’ रिलिज कन्फर्म

पछिल्लो समयकी हटकेक अभिनेत्री साम्राज्ञी राज्यलक्ष्मी शाहको तेश्रो फिल्म ‘तिमि सँग’को रिलिज डेट लक भएको छ । शिशिर राणाको लेखन, निर्माण तथा निर्देशनमा तयार भएको ‘तिमी सँग’ आगामी चैत्र २३ देखि देशभरबाट प्रदर्शनमा आउने भएको छ ।

लगातार दुई फिल्म हिट पछि चर्चा बढाउँदै लगेकी साम्राज्ञीको तेश्रो प्रोजेक्टलाई लिएर दर्शक तथा शुभचिन्तकमा केहि कौतुहलता हुनसक्छ । अन्नपुर्ण बेस क्याम्पको दृश्य कैद गर्दै इण्डक्ल्याप गरिएको यो फिल्ममा लिइएको उक्त दृश्यलाई पहिलो दाबी गरिएको छ ।

यो फिल्ममा साम्राज्ञीसँगै आकाश श्रेष्ठ र नाजिर हुसेनको मुख्य भुमिका छ । प्रेमकथामा आधारित फिल्ममा समावेश एक गीत यसअघि नै सार्वजनिक हुँदा हिट लिस्टमा परिसकेको छ । टिजर समेत यसअघि सार्वजनिक गरिएको थियो । काठमाण्डौं, पोखरा, पुनहिल, घोरोपनी, देउराली, घान्द्रुक लगायतका ठाउँका दृश्य पनि फिल्ममा देख्न सकिनेछ ।