पर्दामा दिलिपको कमब्याक, अनुसँग कस्तो जम्यो क्यामेष्ट्री ?

पुराना अभिनेता दिलिप रायमाझी पछिल्लो केहि समय यता पर्दामा सकृय छैनन् । अब भने परिवारसहित अमेरिका बसाइ सुरु गरेका दिलिपले अभिनय गरेको फिल्म ‘गोरे’ प्रदर्शनको लागी तयार भएको छ । हालै फिल्मको ट्रेलर रिलिज गरियो ।

सार्वजनिक ट्रेलरमा एक्शन र प्रेमभाव पोखिएको छ । जहाँ दिलिप अभिनेत्री अनु शाहसँग जोडी बाँधेका छन् । मंसिर २९ लाई प्रदर्शन मिति तय गर्दै निर्माण टिमले यो फिल्मको ट्रेलर रिलिज गरेको हो ।

सुर्य जिशीको प्रस्तुतीमा तयार भएको यो फिल्ममा दिलिप र अनुसँगै अभिषेक गिरी, बिमला आचार्य, रविन्द्र आचार्य, राकेशकुमार राइ लगायतका कलाकारको अभिनय छ । रमेशकुमार राइले फिल्म निर्देशन गरेका छन् । फिल्ममा विकास चौधरीको संगीत छ ।