प्रदिप छाडेर लण्डनमा अनुपसँग प्रियंकाको रोमान्स ?
पछिल्लो केहि समयदेखि सामाजिक सञ्जालदेखि मिडियामा चर्चा छ फिल्म ‘लिलिबिली’को । कहिले निर्माण घोषणामा कलाकारलाई दिएको बडिगार्डको कुरा त कहिले लिड अभिनेत्री आउट अनि प्रियंका कार्की इन भएको प्रसङ्ग। यावत कुराले मिडियामा समय समयमा चर्चा पाए, गसिप बने ।
अब नयाँ खबर बाहिर आएको छ कि यो फिल्ममा अर्का अभिनेता अनुपबिक्रम शाही अनुबन्ध भएका छन् । विश्वस्त श्रोतलाई आधार मान्दा अनुप यो फिल्ममा हालै अनुबन्ध भएका छन् आउँदो डिसेम्बर १ तारिखमा ‘लिलिबिली’ सेट ज्वाइन गर्न लण्डन उड्दैछन् । ‘लिलिबिली’को सम्पुर्ण छायाँकन युरोपको लण्डन तथा स्कटल्याण्ड लगायतका ठाउँमा हुँदैछ । यतिबेला छायाँकन चलिरहेको छ ।
यसैपनि अनुप यो फिल्ममा निर्देशक मिलन चाम्सका प्रिय पात्र मानिन्छन् । अर्को तर्फ ‘लिलिबिली’मा लिड अभिनेता प्रदिप खड्कासँग नव प्रवेशी अभिनेत्री प्रियंका कार्की रोमान्स गर्दै गरेको गसिप मात्र बाहिर आएन, त्यसपछि प्रदिपको अपोजिटमा प्रियंका नरहने सम्मका खबर समेत बाहिर आईसकेका छन् ।
उल्लेखित कुराहरुमा सत्यता खोज्दै गर्दा ‘लिलिबिली’मा कतै अनुप र प्रियंका एक आपसमा रोमान्स गर्दै त छैनन् नयाँ प्रश्न उब्जिएको छ । त्यसो त निर्माण टिम अनुप अनुबन्ध भएको खबर तत्काल बाहिर ल्याउने सोचमा छैन् । जुन कुरालाई आधार मान्ने हो भने यदि आउँदो दिनमा ‘लिलिबली’को ट्रेलर, टिजर तथा पोस्टर सहितका प्रचार सामाग्रीमा अनुप अटाएनन् भने पनि आश्चर्य मान्नु पर्ने ठाउँ नरहला ।
