अष्ट्रेलियामा कुशलसँग सन्ध्याको डेट, यस्तो छ ‘हेप्पी न्यू इयर’ ट्रेलर
फिल्म ‘हेप्पी न्यू इयर’को ट्रेलर रिलिज भएको छ । राजधानीमा बिहिबार आयोजित एक कार्यक्रमका बीच निर्माण टिमले सम्पुर्ण छायाँकन अष्ट्रेलियामा गरिएको यो फिल्मको ट्रेलर रिलिज गर्यो । कार्यक्रममा लिड अभिनेत्री सन्ध्या केसी भने उपस्थित भईनन् ।
फिल्मलाई देवकुमार श्रेष्ठले निर्देशन गरेका छन् । कुशल थापा र सन्ध्या लिड रोलमा रहेको फिल्ममा करण श्रेष्ठ, पुकार गौतम लगायत लिड रोलमा छन् । फिल्मको कथा पनि कुशलको नै हो । कार्यक्रममा बोल्दै निर्देशन श्रेष्ठले एउटा राम्रो र पुर्ण मनोरञ्जनको खुराक ‘हेप्पी न्यू इयर’ बनाउन खोजेको भन्दै दर्शकको मन जित्ने दाबी गरे ।
ट्रेलरमा माया प्रेम र द्वन्द्वको कथा समावेश छ । फिल्म प्रेम कथामा तयार भएको हो । वेञ्जामिन ड्रेले खिचेको फिल्मकी निर्मात्री रती थापा हुन् । आउँदो पौष १४ अर्थात नयाँ बर्ष २०१८ को छेकोमा फिल्म रिलिज हुनेछ । फिल्ममा किरण माइकल र विनोद ढकालको संगीत छ ।
