यस्तो बनेर आयो सलमान कट्रिनाको ‘टाइगर जिन्दा है’ पहिलो गीत (भिडियो)

डिसेम्बर २२ लाइ प्रदर्शन मिति तय गरेको वलिउड फिल्म ‘टाइगर जिन्दा है’ को यतिबेला चर्चा बढ्दो छ । सामाजिक सञ्जालमा रिलिज ट्रेलरको ‘भ्यू’ले किर्तिमानी राखिसक्दा यो फिल्ममा समावेश पहिलो गीत रिलिज गरिएको छ । सार्वजनिक गीतमा सलमान खान र कट्रिना कैफ फिचरिङमा छन् ।

गीतमा कट्रिनालाई केहि बोल्ड देख्न सकिन्छ । सलमान सँगसँगै छन् । रिलिजको केहि घण्टामै गीतलाई ५० लाख बराबरले हेरिसक्दा यो गीतले पनि किर्तिमानीको बाटो लिने अनुमान धेरैको छ । गीतमा संगीत विशाल र शेखरको छ ।

आदित्य चोपडाले निर्माण गरेको फिल्म यशराज ब्यानरमा तयार भएको हो । फिल्ममा निर्देशन अलि अब्बास जफारको छ । यो फिल्म केहि बर्ष पहिले रिलिज ‘एक था टाइगर’ फिल्मको सिक्वेल हो ।