‘म यस्तो गीत गाउँछु २’ निर्माण अन्यौल, पलले नखेल्ने !
बर्ष २०७४ को सफल फिल्मको सुचीमा परेको ‘म यस्तो गीत गाउँछु’ रिलिजको केहि हप्तापछि नै निर्माण टिमले सिक्वेल घोषणा गर्यो । निर्देशक तथा निर्माता समेत रहेका सुदर्शन थापाले फिल्मको सिक्वेल यो बर्ष नै निर्माण गर्ने बताए । तर अब भने यो फिल्म तत्काल बन्नेमा अन्यौलता बढेको छ ।
निर्देशक थापाले फिल्म तत्काल निर्माणको कुनै तयारी नभएको बताए । तर उनका शब्दमा फिल्मको काम विस्तारै कुनै गतिमा भने अघि बढिरहेको छ । फिल्मीनेपालसँगको कुराकानीमा थापा स्कृप्टलाई बलियो नबनाई, टिम बलियो नबनाई काम अघि नबढ्ने प्रतिक्रिया दिँदा अबको ४, ५ महिना भित्रै यो फिल्म निर्माणको काम अघि बढ्नेमा आफै विश्वस्त देखिएनन् । जुन कुराले यो बर्षान्तसम्म छायाँकन सक्ने मनस्थिती बनाई घोषणा भएको सिक्वेल २०७४ भित्रै फ्लोरमा जानेमै शंका पैदा गरेको छ ।
उता ‘म यस्तो गीत गाउँछु’ लिड अभिनेता पल शाहले यो फिल्मको सिक्वेल नगर्ने मनस्थिती बुनेका छन् । फिल्मको काम तत्काल अघि बढ्ने नदेखिएपछि हाल ‘शत्रु गते’ फिल्ममा व्यस्त पल यो फिल्मको सिक्वेल नगर्ने निर्णयमा पुगेको निकट श्रोत बताउँछ । प्राप्त जानकारी अनुसार पलले आफ्नो एक मात्र फिल्म एक बर्षमा रिलिज चाहेका छन् । जस अन्तर्गत यो बर्षको अन्त्यसम्म ‘शत्रु गते’ रिलिज तय हुँदा अर्को बर्षको लागी गर्ने फिल्म कुन भन्नेमा पल आफै अनिर्णित छन् ।
हातमा देशका नाम चलेका ब्यानर तथा निर्देशक, निर्माताको स्कृप्ट परेको भन्दै ‘म यस्तो गीत गाउँछु २’ को निर्माण नै अन्यौल हुँदा अर्को बर्षको लागी एक मात्र तर हातमा आईसकेको उत्कृष्ट स्कृप्ट रोज्ने अन्तिम मनशायमा पल पुगेको श्रोत बताउँछ ।
निर्माण घोषणाको समयपछि अहिलेसम्म यो सिक्वेलको बारेमा निर्माण टिमसँग कुनै ठुलो र लामो सल्लाह नभएकोले पनि पलले यो फिल्मलाई पर्खेर बस्नु भन्दा अर्को स्कृप्ट आफ्नो लागी ‘लक’ गर्ने योजना बनाएका हुन् । ‘अन स्योर’ प्रोजेक्ट पर्खेर अन्यौल बस्नुभन्दा पलले अर्को बर्षको लागी नयाँ टिम ‘ज्वाइन’ गर्ने योजना बनाएका छन्’ उनि निकट श्रोत बताउँछ । ‘म यस्तो गीत गाउँछु’मा पलले पूजा शर्मासँग जोडी बाँधेका थिए । यो फिल्म गत असार ३० मा रिलिज भएको थियो ।
