तीन बर्षपछि सचिनको अंगालोमा भेटिइन् ‘नाइ नभन्नु ल’ गर्ल ऋचा
‘नाई नभन्नु ल’ डेब्यू गर्ल ऋचा सिंह ठकुरी तीन बर्षपछि पर्दामा फर्किँदैछिन् । उनले आफ्नै निर्माणमा बनाएको फिल्म ‘सुपर गोर्खे’ रिलिजको लागी तयार भएको छ । ऋचाले पछिल्लो पटक २०१४ मा रिलिज ‘माया गर ल’ थियो । सोहि बर्ष केहि हप्ताको अन्तरालमा उनको ‘खुड्किलो’ फिल्म पनि रिलिज भयो ।
पछिल्लो पटक ऋचाको ‘सुपर गोर्खे’ मा समावेश ‘तिमी नै हौ’ बोलको रोमान्टिक गीतको भिडियो रिलिज भएको छ । तारा प्रकाश लिम्बुको संगीत, ज्ञानेन्द्र ताम्लिङको शब्द रहेको गीतमा गायिका रजनी रिमाललाई संगीतकार लिम्बुले साथ दिएका छन् । रामजी लामिछानेले कोरियोग्राफी गरेका छन् ।
राज थापा निर्देशित फिल्म सुपर गोर्खे मा ऋचा सिंहसँगै सुरज सिंह ठकुरी, निराजन लुईंटेल, भुपेन्द्र क्षेत्री सचिन केसी, कामना भुजेल, भानुदेव विष्ट, उत्तम विष्ट, विनय दाहाल, सन्तोषी श्रेष्ठ र राज थापाको अभिनय रहेको छ । फिल्म मंसिर २९ देखि देशभर लाग्दैछ ।
किरण माईकलको लेखन रहेको फिल्मलाई सौरभ लामाले खिचेका हुन् भने द्धन्द्ध निर्देशन चन्द्र पन्तको छ । निर्माताको रुपमा ईश्वरी सिंह ठकुरी, रामकृष्ण र सुदिपजंग थापा रहेका छन् । विवाहपछि ऋचा सुपर गार्खे लिएर दर्शकमाझ आएकी हुन् ।
