सलमान खान नेपाल आउने पक्का, दबंग कन्सर्टमा ज्याकलिन र प्रभुदेवा पनि
वलिउड सुपर स्टार अभिनेता सलमान खान नेपाल आउने भएका छन् । यसअघि धेरै पटक उनि नेपाल आउने चर्चा चल्दै गर्दा उनलाई ल्याउन कुनै पनि आयोजक सफल भएका थिएनन् । यो पटक भने उनलाई ओडिसी इन्टरटेन्मेन्टले नेपाल ल्याउने पक्का भएको हो ।
ओडिसीले यसअघि क्यानेडेली गायक ब्रायन एडम्सलाई काठमाडौं ल्याएको थियो । आगामी फागुन २६ गते शनिबारका दिन काठमाडौंको टुडिखेलमा हुने ‘दबंगः द सलमान खान लाइभ इन नेपाल’ कन्सर्टमा सलमान उपस्थित हुनेछन् । उनिसँगै अन्य चर्चित बलिउड अनुहारहरु पनि उपस्थित हुने आयोजकले बताएको छ ।
सलमानसँगै अभिनेत्री ज्याकलिन फर्नान्डेज, प्रभुदेवा, जरिन खान, डेजी शाह उक्त कन्सर्टमा आउने बताईएको छ । कन्सर्टमा २५ हजार बढि क्राउड उतार्ने लक्ष्य आयोजकले लिएको छ । सलमान आउने कार्यक्रमको ब्यवस्था र सुरक्षा प्रबन्धको बारेमा जानकारी लिन केहि दिनमा नै उनका भाई सोहेल खान नेपाल आउनेछन् ।
