पूजाले छाडिन् ६ लाख पारिश्रमिक, के गर्दैछिन अहिले ?
अभिनेत्री पूजा शर्मा पछिल्लो समय राम्रै चर्चामा आउने अनि चलेको नाम हो । सुरुवाती फिल्म भन्दा ‘प्रेमगीत’पछि एकाएक लाईमलाइटमा आएकी यी अभिनेत्री त्यसयता ‘म यस्तो गीत गाउँछु’बाट पर्दामा झुल्किन् । यो फिल्म गत असार ३० मा रिलिज भएको थियो ।
‘म यस्तो गीत गाउँछु’पछि के गर्दैछिन् त पूजा ? फिल्मीनेपालसँगको कुराकानीमा उनले भनिन्, ‘फिल्मका अफरहरु धेरै आएका छन्, कुनैमा स्कृप्ट मन पर्दैन् कुनैमा टिम चित्त बुझ्दैन् ।’ उनले पछिल्लो पटक तामझामका साथ निर्माण घोषणा गरेर फ्लोरमा गएको एक फिल्मको निर्माण टिमबाट अफर गरिएको ६ लाख पारिश्रमिक समेत अस्विकार गरेको बताईन् ।
उक्त फिल्मको नाम नलेख्ने सर्तमा पूजाले सुनाईन्, सबैकुरा राम्रै थियो, स्कृप्टमा चित्त बुझेन्, पैसा भन्दा काममा विश्वास गर्ने मान्छे हुँ ।’ त्यसो त पूजाले बर्षमा एउटा मात्रै जस्तो फिल्म खेल्दा सुदर्शन थापा बाहेकका ब्यानरमा उनलाई अफर नआउने गरेको सम्मका गसिपहरु यसअघि बाहिर आएका थिए । त्यसपछि ‘म यस्तो गीत गाउँछु’मा उनि आफै निर्मात्री समेत बनेकी थिईन् ।
‘म यस्तो गीत गाउँछु २’ को तयारीमा जुटेकी पूजाले उक्त फिल्म पनि निर्देशन सुदर्शनसँग मिलेर आफैले निर्माण गर्ने बताईन् । स्कृप्टको काम भईसहेको छ, राम्रोमा राम्रो निकालेर मात्रै फ्लोरमा जान्छौं’ पूजाले भनिन्, ‘चित्तबुज्दो कथा आएका बाहिरी ब्यानरमा काम गर्न समस्या छैन् ।’
तश्विरः गुगल
