भुवनको निर्माणमा अनमोलको नयाँ फिल्म, हिरोइन को होलिन् ?
युवा स्टार अनमोल केसीको चर्चा यतिबेला चुलिँदो छ । यता माघ २६ मा रिलिज तय भएको ‘कृ’ प्रतिको कौतुहलता अर्को तर्फ बन्दै गरेको नयाँ फिल्मको चर्चा । दुई दिनदेखि प्रायः मिडियामा समाचार छ उनको नयाँ प्रोजेक्टको । जुन फिल्म उनले होम प्रोडक्सनमा गर्दैछन् ।
सुपर काजोल फिल्मस् को तर्फबाट बन्ने फिल्मको टाईटल तय भएपनि मिडियामाझ ल्याईएको छैन् । जानकारीमा आए अनुसार अनमोलको छैटौँ फिल्मको दर्ता प्रक्रिया यतिबेला चलचित्र विकास वोर्डमा भईरहेको छ । बिहिबारसम्म दर्शकले यी स्टार अभिनेताको फिल्मको ‘डिटेल’ प्राप्त गर्नेछन् । सुपर काजोल फिल्मस् अनमोल पीता भुवन केसीको प्रोडक्सन कम्पनि हो ।
यतिबेला अर्को चर्चा छ उनको नयाँ प्रोजेक्टमा अभिनेत्री को होलिन् भन्ने कुराको । टाईटल लुकाईएको प्रोजेक्टलाई निर्देशनको जिम्मा पाईसकेका दिवाकर भट्टराईले अनमोलको अपोजिटमा विलकुलै नयाँ अनुहार रहने बताए । केहि मिडियामा ‘कृ’ गर्ल अदिती बुढाथोकी र ‘ऐश्वर्य’ गर्ल दीपिका प्रसाईं अनमोलको हिरोइन रहने भन्ने गसिपलाई दिवाकरले खण्डन गरे ।
अर्को बर्षको भदौमा रिलिज गर्ने गरी घोषणा गर्न लागिएको उक्त फिल्मको निर्माण टिमले केहि दिनमा नै फिल्मको नाम सहित अभिनेत्री पनि सार्वजनिक गर्ने बताएको छ । यो फिल्मको कथा यतिबेला सामिप्यराज तिमल्सिनाले लेखिरहेका छन् ।
तश्विर श्रोतः अनलाइनखबर
