शेरबहादुर’को कान्छि बनिन् मेनका, नशाको मातमा कर्माको यो हालत
फिल्म ‘शेरबहादुर’मा समावेश गीत ‘कान्छि मट्याङ ट्याङ’ रिलिज भएको छ । राजधानीमा आयोजित एक कार्यक्रमका बीच फिल्ममा समावेश पार्टी गीत रिलिज गरिएको हो । गीतमा अभिनेत्री मेनका प्रधानसँगै अभिनेता द्वय कर्मा शाक्य र रविन्द्र झा फिचरिङमा छन् ।
एक अवकास प्राप्त आर्मीको कथामा आधारित थ्रिलर जनराको फिल्मको सार्वजनिक गीतमा कोशिश क्षेत्री र मीना निरौलाले स्वर दिएका छन् । शब्द संगीत पनि कोशिशको नै छ । उदयराज पौडेलले संगीत एरेञ्ज गरेका छन् । गीतको भिडियोमा कर्मालाई नशाको मात चढेको एक युवकको अबतारमा प्रस्तुत गरिएको छ ।
मेनका, कर्मा र रविन्द्रसँगै सुनिल थापा लिड अभिनयमा रहेको फिल्मलाई आर राजवंशीले निर्देशन गरेका छन् । निर्माताका रुपमा बरिष्ठ छायांकार गौरीशंकर धुजु , धिराज राजवंशी छन् । माघ १९ गते रिलिज मिति तय गरेको फिल्ममा पहिलो नेपाल भाषाको सिनेमा शिलु, गिती कथा गौथली, ऐतीहासिक सिनेमा प्रेमपिण्ड ,धार्मीक सिनेमा श्री स्वस्थानी जस्ता २ सय बढी सिनेमामा नृत्य निर्देशन गरेका बसन्त श्रेष्ठले लामो समय पछि कोरियोग्राफी गरेका छन् ।
दिर्घ गुरुङले खिचेको फिल्ममा सम्पादन निमेष श्रेष्ठको छ भने क्रियटिभ निर्देशकमा ‘जात्रा’ निर्देशक प्रदिप भट्टराई छन् । विके फिल्मस् र एफडी कम्पनिले फिल्म वितरणको जिम्मा लिएको छ ।
