मालतीको साथ पाएपछि सौगातलाई चाहिएन अर्की !
मंसिर १ गतेबाट प्रदर्शनको तयारीमा रहेको फिल्म ‘झ्यानाकुटी’ले प्रचार प्रसार तिब्र बनाउँदैछ । सामाजिक सञ्जालदेखि सिनेमा घर अनि चिया पसलसम्म यतिबेला यो फिल्मको चर्चा छ । रिलिजको मिति नजिकिँदै गर्दा निर्माण टिमले फिल्ममा समावेश एक गीत बाहिर ल्याएको छ ।
सार्वजनिक ‘भो मलाई चाहिँदैन अर्की’ बोलको गीतमा लिड अभिनेता सौगात मल्ल र अभिनेत्री वेनिशा हमाल फिचरिङमा छन् । सांगितिक पक्ष सशक्त देखिएको गीतमा जोडिएका फिल्म रिलेटेड प्लटहरुले गीतको भिडियोलाई थप आकर्षक बनाएको छ । फिल्ममा अभिनेत्री वेनिशा मालती पात्रमा छिन् ।
गीतमा धर्मेन्द्र सेवानको स्वर छ भने प्रदिप भारद्वाजको शब्दमा विकास चौधरीले संगीत भरेका छन् । अभिनेत्री निशा अधिकारीले निर्माण गरेको फिल्ममा निर्देशक समेत रहेका सिमोश सुनुवारले लगानीमा साझेदारी गरेका छन् ।
