केकीको दिलमा नाजिरको तश्विर, ‘राज्जा रानी’ बन्दा कति जम्यो जोडी ?

केकी अधिकारी र नाजिर हुसैन स्टारर फिल्म ‘राज्जा रानी’को अफिसियल गीत रिलिज भएको छ । सार्वजनिक रोमान्टिम बोलको गीतमा केकी र नाजिर फिचरिङमा छन् । ‘तिम्रो तश्विर दिलको भित्ता’मा बोलको गीतमा केकी र नाजिरलाई रोमान्टिक रुपमा प्रस्तुत गरिएको छ ।

पुर्वनिर्धारित मितिलाई फेरबदल गर्दै आगामी पौष २१ गतेबाट दर्शकमाझ ल्याउनेगरी निर्माण टिमले फिल्ममा समावेश गीत रिलिज गरेको हो । केहि दिन पहिले फिल्मको टिजर सार्वजनिक गरिएको थियो । सार्वजनिक गीतमा दिपक शर्माको संगीत छ नरहरी प्रेमी र सुमिना लो’ ले स्वर भरेका छन् । राजेन्द्र थापाले गीत लेखेका हुन् ।

यम थापाको निर्देशनमा तयार फिल्ममा नाजिर र केकीसँगै कामेश्वर चौरासिया, लक्ष्मी बर्देवा, संगीता नापित, अरुण रेग्मी, दीपक क्षेत्री, विनोद निरौला, अनोज पाण्डे लगायतको अभिनय छ । पुरुषोत्तम प्रधानले यो फिल्म छायांकन गरेका छन् ।