‘कालो पोथी’ तीन महिना पहिले नै पाईरेसी, अनलाईनमा भेटियो पुरा फिल्म
केहि समय पहिले फिल्मीनेपाल डटकमले फिल्म ‘लुट २’ पाइरेसीको खबर सार्वजनिक गरेको थियो । अब अर्को फिल्म ‘कालो पोथी’ पनि पुर्णतः पाइरेसी भएको भेटिएको छ । एक अनलाईनले यो फिल्म अपलोड गरेको छ ।
‘लुट २’ पाईरेसी भएकै ‘वाच मुभी अनलाईन’ नामक ब्लगमा ‘कालो पोथी’ पनि अपलोड गरिएको छ । देश विदेशमा सम्पन्न विभिन्न फिल्म फेस्टिभलमा उत्कृष्ट बनेको यो फिल्मले नेपालबाट विश्वको सर्वोच्च अवार्ड सेरेमोनी ओस्कारमा पनि प्रतिनिधित्व गरेको थियो ।
फेस्टिभल र सार्वजनिक प्रदर्शनी तथा विदेश प्रदर्शन बाहेक यो फिल्म अहिलेसम्म आधिकारिक सामाजिक सञ्जालमा अपलोड भएको थिएन् । निर्माण टिमले ‘कालो पोथी’ तत्काल युट्युव रिलिज गर्ने मनशायमा पनि नभएको बताउँदै आएको थियो । अब भने तीन महिना पहिले नै यो फिल्म पाइरेसी भएको रहस्य खुलेको छ ।
यो फिल्म उक्त ब्लगमा जुलाईमा नै अपलोड भएको देखिन्छ । गत जुलाई २२ तारिखमा मिन भाम निर्देशित फिल्म अपलोड गरिएको छ । यो विषयमा बुझ्दा मिनले आफुहरुले कुनै पनि कम्पनि तथा साइट र पेजलाई आफ्नो फिल्म नदिएको बताए ।
