पुनः सँगसँगै ऋचा र अर्पण ,फेरि फेरि’ रोमान्स पक्का
पछिल्लो केहि समय यता पर्दामा एकसाथ जस्तो देखिँदै एको जोडी हो अभिनेता अर्पण थापा र अभिनेत्री ऋचा शर्माको जोडी । जोडी पर्दामा जमिरहेको मात्र छैन् एकसाथ फिल्म निर्माण पनि गरिरहेको छ । यो बीचमा निर्माता निर्देशकहरु पनि ऋचा खोज्दा अर्पण र अर्पण खोज्दा ऋचा सँगसँगै खोज्छन् अनि रोज्छन् सम्म भनिन्छ ।
अब पुनः यो जोडी एकसाथ पर्दामा देखिने पक्का भएको छ । विभिन्न टेलि सिरियलमा काम गरिसकेका हाँस्य अभिनेता तथा निर्देशक पुरन थापाको फिल्म ‘फेरि फेरि’मा यो जोडी एकसाथ देखिने पक्का भएको हो । यसअघि ‘पिरिम पर्या छन्’ र ‘कान्छी मट्याङ ट्याङ्’ नामक कमेडी फिल्म बनाएका थापाले यो पटक पनि आफ्नै जनरालाई दोहोर्याउने छन्, हाँस्यरस युक्त फिल्म ‘फेरि फेरि’ बन्नेछ ।
फिल्ममा अर्पण र ऋचासँगै ओमप्रतिक गुरुङ, धर्मेन्द्र आचार्यसँगै निर्देशक थापा पनि प्रमुख भुमिकामा हुनेछन् । माता बसुन्धरा मुभिजको प्रस्तुतिमा बन्ने फिल्मलाई रामेश्वर कार्कीले खिच्ने छन् द्वन्द्व एनबी महर्जनको रहँदा संगीत विकास चौधरीले भर्ने पक्का भइसकेको छ । फिल्म फ्लोरमा जाने मिति सार्वजनिक गरिएको छैन् ।
