‘दबंग थ्री’ मा सोनाक्षी कन्फर्म, फ्लोरमा कहिले ?
वलिउडको सुपरहिट फिल्म ‘दबंग थ्री’मा अन्ततः अभिनेत्री सोनाक्षी सिन्हा कन्फर्म भएकी छिन् । लामो रस्साकस्सीका बीच अन्ततः सोनाक्षी फिल्मको लागी राजी भएकी हुन् । यसअघिका दुबै सिरिजमा सलमान खानसँग देखिएकी सोनाक्षी तेस्रो सिरिजमा नरहने चर्चा थियो ।
सोनाक्षीले एक अन्तर्वार्तामा आफु ‘दबंग थ्री’ लाई तयार भएको भन्दै अर्को बर्षको अप्रिलमा फिल्म फ्लोरमा जाने बताएकी हुन् । अर्वाज खानले निर्माण गर्दै आएको दबंग सिरिजको यतिबेला स्कृप्टको काम भईरहेको बताईएको छ ।
सोनाक्षी र सलमानको जोडी दर्शकले राम्रै मन पराउँदै आएका छन् । एक्सन जनराको यो फिल्मको दुई सिरिजले रिलिजपछि वक्सअफिसमा तहल्का मच्चाएका थिए ।
