‘फाटेको जुत्ता’लाई दुई दिनमै एक करोड !
शुक्रबार बाट प्रदर्शनमा आएको फिल्म ‘फाटेको जुत्ता’ले बम्पर ओपनिङ गरेको छ । पहिलो दिन सुखद विजनेससहित प्रदर्शन सुरु भएको फिल्मले रिलिजको दोश्रो दिन अर्थात शनिबार देशैभे जस्तो बम्पर ओपनिङ गर्यो । राजधानीका मल्टिप्लेक्समा अधिकांश पर्दा हाउसफूल रहे । सिंगल स्कृनमा पनि उस्तै राम्रो साथ पायो ।
निर्माता अर्जुनकुमारले फिल्मले पहिलो दुई दिनमा नै करोड बढिको विजनेस गरेको दाबी गरेका छन् । उनले शनिबार फिल्मले देशैभर प्राप्त पर्दाहरुमा ९० प्रतिशत माथीको अकुपेन्सी पाएको बताए । उता निर्देशक निकेश खड्का पनि फिल्मको विजनेसबाट उत्साहित छन् ।
कमेडी जनराको फिल्मलाई धेरै दर्शकले मन पराएका छन् । समिक्षकबाट भने फिल्मले राम्रो प्रतिक्रिया पाएको छैन् । शनिबार दर्शकसँघ नजिकबाट साक्षात गर्न निर्माण टिमसहित कलाकारहरु हल-हलमा पुगेका थिए । सौगात मल्ल, प्रियंका कार्की, कामेश्वर चौरासिया, रविन्द्र झा फिल्ममा लिड अभिनयमा छन् ।
