मुस्ताङ पुग्दा खुल्यो पल र आँचलको प्रेम राज (भिडियो)

अभिनेता पल शाह र अभिनेत्री आँचल शर्मालाई पछिल्लो समय सर्वाधिक रुचाईएको ‘रिल कपल’ मानिन्छ । उनिहरुले सँगै केहि फिल्म र थुप्रै म्यूजिक भिडियोमा अभिनय गरेका छन् । हालै पल र आँचल अभिनित नेपाली पप गीत ‘चिटिक्क’को भिडियो सार्वजनिक भएको छ ।

हिमाली जिल्ला मुस्ताङमा खिचिएको उक्त भिडियोमा निर्देशक विकास सुवेदिले केहि फरक गर्ने कोशिश गरेका छन् । सहदेव अर्यालले लेखेको यो गीतमा उदय राज पौडेलको स्वर, संगीत तथा संगीत संयोजन रहेको छ । एक युवकले कल्पना गरेकी युवतीको कथामा यो भिडियो आधारित रहेको छ । भिडियोमा पल र आँचलको प्रेमभाव छल्किएको छ ।

मुस्ताङ्गका बिभिन्न स्थानमा माईनस १२ डिग्री तापक्रममा यो गीत छायांकन गरिएको निर्देशक सुवेदीले बताए । गीतको भिडियोलाई अनिल कुमार मानन्धरले छायांकन गरेका छन् भने सम्पाक सुप्रिम पराजुलीले गरेका छन् ।

https://youtu.be/597zHgOhMkQ