निर्मात्री बनिन् ‘नाइँ नभन्नु ल’ गर्ल ऋचा, हेर्नुहोस ‘सुपर गोर्खे’ टिजर

विकासराज आचार्य निर्देशित ‘नाइँ नभन्नु ल’ डेब्यू गर्ल ऋचासिंह ठकुरी अब निर्मात्री बनेकी छिन् । बिहेपछि केहि समय गुमनाम बनेकी ऋचाले हालै निर्माण गरेको फिल्म ‘सुपर गोर्खे’ रिलिजको लागी तयार भएको छ । फिल्ममा उनी लिड अभिनयमा पनि छिन् ।

राज थापाको निर्देशनमा बनेको फिल्म ऋचाकै प्रोडक्सन कम्पनि अबिर हाउस प्रोडक्सनको ब्यानरमा तयार भएको हो । फिल्मको सार्वजनिक टिजरमा ऋचालाई भने दर्शकले भेट्न सक्दैनन् । कमेडी शैलीमा तयार गरिएको टिजरमा ‘सुपरम्यान, ब्याट म्यान र स्पाइडर म्यान’पछि अबको पालो ‘सुपर गोर्खे’ लेखिएको छ। फिल्ममा ऋचा पति राज अभिनेता छन् ।

फिल्ममा ताराप्रकाश लिम्बु र फिलिप जोनको संगीत छ भने कोरियोग्राफी रामजी लामिछानेको छ । ऋचा र राजसँगै सुरजसिंह ठकुरी, निराजन लुइँटेल, भुपेन्द्र क्षेत्री, भानु विष्ट, सचिन केसी, उत्तम विष्ट लगायतलाई लिड अभिनयमा देख्न सकिनेछ । किरण माइकलको लेखन रहेको ‘सुपर गोर्खे’लाई सौरभ लामाले खिचेका हुन् । मंसिर २९ गते यो फिल्म रिलिज हुने बताईएको छ ।

तश्विरः साइबर संसार

https://youtu.be/lSMS0S8HrTQ