‘कोहिनुर’पछि श्वेताको कमब्याक, ‘कान्छी’ गीत रिलिज (भिडियो)

 तीन बर्ष पहिले रिलिज फिल्म ‘कोहिनुर’पछि पहिलो पटक पर्दामा आउँदै गरेकी अभिनेत्री श्वेता खड्का स्टारर फिल्म ‘कान्छी’को पहिलो गीत रिलिज भएको छ । युट्युवमा सार्वजनिक गीतमा श्वेताले दयाहाङ राईसँग जोडी बाँधेकी छिन् ।

ललितपुरको श्रीकाली चौरमा सेट डिजाइन गर्दै यो गीत ३ दिन लगाएर खिचिएको थियो । लोक फ्लेभरको सार्वजनिक गीतमा बसन्त श्रेष्ठको कोरियोग्राफी छ । गीतका शब्द छिट्टै दर्शक श्रोताको मनमा बस्ने प्रकारका छन् । राजनराज शिवाकोटीको स्वर संगीत सामवेश गीतमा लेडिज भर्सनमा अञ्जु पन्तले स्वर भरेकी छिन् । गीतको शब्द पनि राजनराजको नै हो ।

आकाश अधिकारी निर्देशित फिल्मलाई आगामी माघ २६ बाट प्रदर्शनमा ल्याउने तयारीमा निर्माण युनिट छ । अधिकांश दृश्य मुस्ताङका खिचिएको फिल्मका सिनेमाटोग्राफर पुरुषोत्तम प्रधान हुन् । फिल्ममा दया र श्वेतासँगै अनु शाह, कामेश्वर चौरासिया, आशान्त शर्मा, भुमिका श्रेष्ठ लगायतको अभिनय छ । फिल्मको कथा यम थापाको हो ।

https://youtu.be/iPCQmI5yTGE