‘रज्जा रानी’ पौषमा पक्का, टिजर रिलिज (भिडियो)

फिल्म ‘रज्जा रानी’को टिजर सार्वजनिक भएको छ । केकी अधिकारी र नाजिर हुसैन लिड अभिनयमा रहेको फिल्मको रिलिज मिति तय गर्दै निर्माण टिमले टिजर बाहिर ल्याएको हो । यो फिल्म आउँदो पौष २८ मा रिलिज हुनेछ ।

५० सेकेण्ड लामो टिजरमा लिड अभिनेता नाजिर मात्रै फिचरिङमा छन् । टिजरले उनको भुमिका सस्पेन्स बोल्छ । स्कृप्ट लेखक यम थापाको डेब्यू निर्देशकिय यो फिल्ममा नाजिर र केकीसँगै कामेश्वर चौरासिया लिड अभिनयमा छन् भने लक्ष्मी बर्देवा, संगीता नापित, अरुण रेग्मी, दीपक क्षेत्री, विनोद निरौला, अनोज पाण्डे, अशोक आचार्य र अनुज थापालाई पनि देक्न सकिनेछ । फिल्ममा अभिनेत्री रेखा थापा पनि अतिथी भूमिकामा देखिनेछिन् ।

एमके पौडेलको निर्माणमा बनेको फिल्म आर्यन फिल्मस प्रोडक्शनको ब्यानरमा तयार भएको हो । ‘रज्जा रानी’को सम्पुर्ण छायांकन नेपालगञ्जमा गरिएको छ । पुरुषोत्तम प्रधानले खिचेको फिल्ममा ताराप्रकाश लिम्बु र दीपक शर्माको संगीत छ ।

https://youtu.be/bsuqjU_h0qk