नयाँ फिल्म नभएपछि पर्यो चिठ्ठाः पुनः प्रदर्शनमा ‘फाटेको जुत्ता’

केहि हप्ता पहिले नै हलबाट उत्रेको फिल्म ‘फाटेको जुत्ता’ पुनः प्रदर्शनमा आउने भएको छ । शुक्रबारबाट ‘क्यूएफएक्स’ले यो फिल्मलाई रि-रिलिज गर्न लागेको हो ।

देश चुनाबी माहोलमा होमिँदै गर्दा नेपाली ठुला रिलिज छैनन् भने वलिउडका पनि बिग ब्यानर मानिने अनि नेपाली मल्टिप्लेक्समा बिक्ने ठुला फिल्म आएनन् । यसैको चिठ्ठा फिल्मलाई परेको छ । ‘क्यूएफएक्स’ले शुक्रबार यो फिल्मलाई दुई शोज प्रदान गरिसकेको छ । कुमारी हलमा फिल्म प्रदर्शन हुनेछ ।

फिल्म हलमा चल्दै गर्दा नै सिक्वेल घोषणा गरेका निर्माता अर्जुनकुमार यो कुराबाट प्रफुल्लित छन् । निकेश खड्का निर्देशित फिल्ममा सौगात मल्ल, प्रियंका कार्की, कामेश्वर चौरासिया, रविन्द्र झा लगायत लिड रोलमा छन् ।