‘दीपज्योती’ ट्रेलर: बोल्ड अबतारमा रजनी र खुश्वु, सरोजको एक्सनमा कति दम ?

यहि मंसिर २२ लाई प्रदर्शन मिति तय गर्दै प्रचारमा उत्रेको फिल्म ‘दीपज्योती’ को ट्रेलर रिलिज गरिएको छ । युट्युवमा रिलिज ट्रेलर एक्सन, रोमान्स तथा रोदनपुर्ण छ । ट्रेलरमा पुराना अभिनेता सरोज खनाल एक्सन अबतारमा प्रस्तुत हुँदा अभिनेत्री द्वय रजनी केसी र खुश्वु खड्का बोल्ड लुक्समा प्रस्तुत छन् ।

नारायण मैनालीले निर्देशन गरेको फिल्मको दुइ दिन पहिले मात्रै फर्स्टलुक पोस्टर रिलिज गरिएको थियो । फिल्म कृष्ण खनालको प्रस्तुतीमा तयार भएको हो भने निरञ्जन ठाकुर, अञ्जना राइ ठाकुर र रामकृष्ण अधिकारीले गरेका छन् ।

फिल्ममा उल्लेखित कलाकारसँगै पुष्कर रेग्मी, प्रमोद द्विप, नीर शाह, लय संग्रौला लगायत अभिनयमा छन् । विकास चौधरी र सचिन गिरीले संगीत भर्दा रामजी लामिछानेले कोरियोग्राफी गरेका छन् । हरिष पन्थीको कथामा बनेको फिल्मलाई रामशरण उप्रेती र राहुल राइले खिचेका हुन् ।