‘पल्ला घरकी कान्छी’ भगाएपछि चर्चामा सागर आले !

नेपाल आइडलबाट चर्चामा आएका युवा गायक सागर आलेको पछिल्लो गीत रिलिजको केहि दिनमा नै युट्युवमा हिट लिस्टमा परेको छ । ‘पल्ल घरकी कान्छी’ बोलको गीत नेपाली युट्युव ट्रेण्डिङको पहिलो स्थानमा छ ।

रिलिजको चार दिन मात्रै हुँदा यो गीतलाई अहिलेसम्म साढे चार लाख पटक हेरिएको छ । १९ हजारले लाइक मात्रै गरेका छन् भने तीन हजार बढि कमेन्ट आएका छन् । मनोज थापा मगरको शब्द संगीत रहेको गीतको भिडियोमा क्यामेरा हरी घलेले चलाएका छन् ।

सागर आफै फिचरिङमा हुँदा उनको अपोजिटमा अभिनेत्री तथा मोडल मिरुना कगर छिन् । पछिल्लो समय देश विदेशका स्टेज तताइरहेका सागर नेपाली संगीत क्षेत्रका चम्किलो नक्षत्र मानिँदै आएका छन् ।