‘मिस वर्ल्ड’को ताज जितेपछि मानुषीमाथी सलमानले बढाए नजर
सलमान खान, वलिउडमा धेरै कलाकारहरुको ‘गड फादर’ कहलिन्छन् । उनले कतिलाई आफुसँगै त कैयौं कलाकारलाई आफ्नो ब्यानरबाट ब्रेक दिएका छन् । यतिबेला वलिउडमा नयाँ चर्चा छ कि सलमानले केहि दिन पहिले मात्रै मिस वर्ल्ड २०१७ को ताज पहिरेकी मानुषी चिल्लरमाथी सलमानले नजर लगाएका छन् ।
वलिउड अनलाइन कोइमोइ डटकमले सलमानले मानुषीलाई आफ्नो तर्फबाट वलिउडमा ब्रेक दिन लागेको दाबी सहित समाचार लेखेको छ । सलमानले मिलेसम्म आफ्नै फिल्म र त्यो नमिल्दै गर्दा निजी ब्यानर (एसकेएफ) सलमान खान फिल्मस् बाट ब्रेक दिने सोच बनाएका बताइएको छ ।
मिस वर्ल्डको ताज जितेपछि वलिउडका धेरै मेकरहरुले मानुषीमा माथी नजर बढाएको भन्दै प्रतिस्पर्धामा उनले प्रस्तुत गरेको कला र प्रतिभाबाट सलमान पनि प्रभावित भएको बताइएको छ । उता मानुषीले पनि वलिउड डेब्यूको लागी उत्साहित भएको बताएकी छिन् ।
सलमान खानले वलिउडमा चर्चित अनुहारहरु सोनाक्षी सिन्हा, आथिया सेट्टी, डेजी शाह, जरिन खान, स्नेहा उल्लाल जस्ता थुप्रै कलाकारहरुलाई ब्रेक दिएका छन् । जुन भीडमा वलिउड हाँक्ने संभावनावान प्रतिभा मानुषी पनि पर्दै गर्दा ठुलो आश्चर्य हुनेछैन् ।
