मंसिर २२ मा रजनी र खुश्वुको ‘दीपज्योति’ पक्का, चुनाबको प्रभाव कति ?
देश यतिबेला चुनाबी माहोलमा होमिएको छ । सोमबार मात्रै प्रतिनिधी सभा तथा प्रदेश सभा अन्तर्गत पहिलो चरणको चुनाब सकिँदै गर्दा राजधानी सहित धेरै जिल्लामा दोश्रो चरणको चुनाब यहि मंसिर २१ गते हुँदैछ । यो बीचमा धेरै क्षेत्रमा असर पर्दै आएको र पर्ने आंकलन हुँदा फिल्म क्षेत्र पनि त्यसबाट अछुतो मानिँदैन् । तर फिल्म ‘दीपज्योती’ युनिट भने रिलिजको लागी तयार भएको छ ।
‘दीपज्योती’को यहि मंसिर २२ अर्थात दोश्रो चरणको चुनाबपछिको पहिलो दिन नै रिलिज गर्ने निर्णयमा निर्माण टिम पुगेको हो । हालै फिल्मको पहिलो पोस्टर रिलिज गर्दै निर्माण युनिटले छोटो समयको बीचमा मंसिर २२ लाई प्रदर्शन मिति तोकेको हो ।
निरञ्जन ठाकुर र अन्जना राइ ठाकुर निर्माता रहेको फिल्ममा नारायण मैनालीको निर्देशन छ ।कृष्ण खनाल प्रस्तुतकर्ता छन् । फिल्ममा नीर शाह, रजनि केसी, खुश्वु खड्का, प्रमोद द्विप, लय संग्रौला, रश्मी भट्ट, पुष्कर रेग्मी, शेखर केसी, शेर बहादुर गुरुङ र रेशम फिरिरी लिड रोलमा छन् ।
रामकृष्ण अधिकारी कार्यकारी निर्माता रहेको फिल्ममा क्यामेरा रामशरण उप्रेतीले चलाएका छन् भने विकास चौधरीले संगीत भर्दा कोरियोग्राफी रामजी लामिछानेको छ । ‘दीपज्योती’मा द्वन्द्व निर्देशन सम्राट बस्नेतको छ । एनपी फिल्मस् प्रोडक्सनको ब्यानरमा फिल्म तयार भएको हो ।
