आमेशलाई ‘मेला’को भर, सलोनलाई के को डर ?
फिल्म ‘फूलैफूलको मौसम तिमीलाई’बाट नेपाली रजतपटमा उदाएको नाम हो आमेश भण्डारी । उनै आमेश पहिलो फिल्म रिलिजको दुई बर्ष जस्तो पछि पुनः पर्दामा आगमन गर्दैछन् फिल्म ‘मेला’ मार्फत । वसन्त निरौला निर्देशित फिल्म यहि कार्तिक २४ बाट प्रदर्शनमा आउँदैछ ।
पहिलो फिल्मबाट सफलता पाउन नसके पनि आमेशले चर्चा पाएका थिए । कारण थियो उक्त फिल्ममा अपोजिटमा रहेकी अभिनेत्री नीता ढुङ्गानासँगको प्रेम अफेयर । तर यहिबेला परिस्थिती भिन्न छ आमेशले आफ्नो चर्चा बढाउन ‘मेला’ अनि यसमा जोडिएको अभिनयमा भर पर्नुपर्ने छ, किनकी बागमतिमा धेरै पानी बगिसकेको छ नीतासँग आमेशको व्रेकअप भईसकेको पनि छ ।
पहिलो फिल्म धेरै दर्शकमे हलसम्म पुगेर हेरेनन् । युट्युव दर्शक बाहेक धेरैलाई उनलाई अनि उनको अभिनयलाई नजिकबाट चिन्न पाएका छैनन्, त्यसैले त अभिनयमा स्थापित हुन अनि अभिनेताको परिचयमा जम्नआमेश ‘मेला’बाट राम्रै आशावादी छन् ।
सलोनलाई के को डर ?
फिल्म रिलिज हुन केहि दिन मात्र बाँकी छ । तर फिल्मको प्रचारमा यो फिल्ममा अर्का लिड कलाकार द्वय सलोन बस्नेत र अभिनेत्री अशिष्मा नकर्मी प्रचारमा सकृय छैनन् । आमेश एक्लै भ्याएसम्म पुगेका छन्, मिडियामाझ अनि पब्लिक कार्यक्रमसम्म ।
निर्माण टिमसँग सम्पर्क गर्दा सलोन र अशिष्माले वास्ता नगरेको, प्रचारमा हिड्न आग्रह गर्दा आनाकानी गरेको जानकारीमा छ । हुन त, अभिनयमा दख्खल प्रमाणित गरिसकेका सलोनलाई ‘मेला’को सफलता र असफलताले खासै प्रभाव नपार्नसक्छ । तर आफु अभिनित फिल्म रिलिजको छेकोमा हिँड्दै गर्दा फिल्मको बारेमा केहि बोल्दै गर्दा दर्शक थपिनसक्छन्, दर्शकसँगै निर्माता निर्देशकलाई न्याय हुनसक्छ, फ्यानले आफ्ना फिल्मलाई नियमित हेर्दै गर्छन् भन्ने तर्फ पनि सम्झिने कि सलोन जी ?
